保良局慈善餐舞會今晚喺灣仔君悅酒店舉行，原定何超鳳都會到，但係公關表示佢唔會出席，同超鳳同效力保良局嘅陳細潔就有到場，問到佢知唔知超鳳離婚嘅事，佢就話：「都有知道，同佢熟，冇講過呢樣嘢。」再問到知唔知超鳳前夫何志堅傳有新歡，佢就話唔清楚。

特首夫人梁唐青儀都有到場，以一身閃片嘅晚裝現身，咁啱郭少明太太都係着住閃片晚裝，喺合照時閃片扣住咗，要用1分鐘時間拆解，特首夫人笑言：「難分難解。」

點解呢個場合見唔到特首梁振英呢？原來CY就冇去舞會，反而就同咗阿囡齊昕去行山，啱啱齊昕就喺夏力道打卡，話：「Late night rendezvous with Dad.」不過有網民就好好奇，點解齊昕會用「rendezvous」呢個字，因為Rendezvous 係法文，解作會面集結地點，網民就話：「原來約老竇食飯都會用呢個字。」

林作就同兩個女性朋友，加一個男性朋友到場，佢啲朋友閃避入場，林作應邀企定影相，問佢係咪新歡?佢話：「唔係，一齊嚟食飯。」之後衝衝入內。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。