旺角界限街20號業利樓3樓一個住宅單位，上午11時左右冒煙起火，女住戶情急下半身攀出窗外等候救援，狀甚驚險。消防員接報到場射水灌救，並協助女住戶逃生。

讀者鄧小姐住在相鄰大廈，她表示突然聽到有人大嗌：「救命呀！救命呀！」查看下見有濃煙攻來，消防員正協助一名女住戶爬落雲梯逃生，她自己則落街走火。

消防開一喉出動一隊煙帽隊，約20分鐘後將火救熄，現場單位面積4米乘6米，共計31人由消防協助或自行疏散落樓，單位內兩人（60歲及61歲）不適要送院。現場消息稱，有人承認是拜神時火種燒着沙發所致。

火警期間有街坊及途人協助救火。途人何先生稱，他行經業利樓，聽到有人叫救命，於是衝上樓。他說：「單位門外有個化寶盆，入面好大煙，打爛消防鐘攞喉救，但係好大煙救唔到，後尾消防員到咗。」何先生指見不到火，但很大煙。火警原因未知，但何說；「單位內有化寶味，唔知係咪做緊化寶之類。」

另外，住對面大廈的住客呂小姐指，起火單位有大量濃煙攻出，噴出窗外。她目擊單位內的女子半身攀出窗，似乎想由4樓跳落地下逃生。呂女士大驚喝止：「唔好跳呀！」隨即有雲梯升起救人。