香港測量師學會土地測量組副主席黃耀祖指從圖片可見,估計是監察出現問題,因西九土地屬填海而來,一定有機會出現沉降,故一般工地均設監察點,如在地盤較遠一處定點設為「基準點」,作量度地盤沉降程度,一般出現輕微沉降,監察儀器都可發現,地盤多因應情況加強監察;若情況持續,需停工作加固。
他估計今次事故或是基準點設得太近地盤,「可能個基準點只係設喺地盤門口或附近,連個基準點都一齊沉降,咁就唔會發現沉降咗幾多」;亦有可能是地盤內用作監察沉降的地點分佈不均或不足夠,故無法預知沉降情況。他指除非近日有大型天氣變化或有突發工程,否則不會出現如此嚴重沉降,「沉降唔會係一朝一夕嘅事」,沉降一般只影響地面層,相信對由樁柱作支撐的建築物影響不大,但如未有及時補救,有機會影響附近地盤的地面結構。
■記者鍾雅宜