【新增影片】
資深驗樓師詹濟南過去6年每年都會總結新盤交樓質素，2017年親身經歷7個驗樓奇聞。

他表示：「最嘩一聲係我瑟縮於房間既小人國的房間，房內擺部冷氣，覺得好奇怪，擺部冷氣做咩，拿來擺皮草?面積不超過20方呎。係新盤來既。（是那區新盤？）唉……屬於新界區，總之唔係4大發展商。」他補充，呢個房間有部份位處樓梯底。另外，有個單位廁所洗手盆個水龍頭預錯距離，一開水噴到四圍到係。其餘5個奇聞，包括「飛得甩的窗」、「驚見蜂巢」、「手提圍欄」、「關不到的露台門」及「浴缸拎得起」。

交樓方面，過去一年檢驗約40個新盤，最常發現的問題是玻璃崩花，睇返過去2至3年數據，玻璃崩花問題增加1倍，計返玻璃佔單位面積亦增加1倍，因為近年好多樓盤選用玻璃幕牆，拆棚時撞花玻璃機會大。

至於2017年度最佳屋苑是信和（083）將軍澳帝景灣，另外4個屋苑交樓質素亦優秀，包括恒地（012）筲箕灣柏匯、九建（034）香港仔登峰·南岸、新世界（017）西環瑧璈、新地（016）元朗Park Yoho1期及映御。又首次選出最佳商場，為灣仔利東街商場及荃灣廣場，按9個評審類別，分74個項目評分，希望提供一個Good for Shopping的商場俾市民。

此外，他表示，近年行內對負責建築物繩墨控制的平直企順質量，與各施工單位夾圖及校準墨斗的師傅常被業界忽略，影響建築質素，亦較難吸引新人入行，故籌備成立繩墨師學會培訓新人入行。

記者：陳家雄

蘋果財經，關心你飯碗
http://fb.com/appledailyatm