上海遊吃喝玩樂不夜天

蘋果日報 2004/06/30 00:00


上海可算是大部份香港人北望神州的第一站,城市規劃現代化、中國第一大城市、今古文化薈萃……最重要是同香港一樣,有一種不夜城、愈夜愈美麗嘅活力!滿以為暑假將至,旅遊費用例必大幅飆升,搵勻大部份旅行社自助遊套餐,其實三兩千元已可玩足三、四日!
記者:吳嘉怡
上海必遊勝地
最美夜上海黃浦江
就算未去過上海嘅人,都會聽過「上海灘」之名;其實所指的黃浦江邊的外灘(又名中心山東一路),全長1.5公里!這裏東臨黃浦江,西面是一幢幢的英、法、西班牙、希臘的古舊建築群(共52幢),可算是上海最有名的地標。

交通:可乘地鐵在河南中路站下車,再沿南京路往外灘方向,步行約10分鐘便到。
empty
上海新面貌蘇豪區
融合咗上海歷史建築文化同現代飲食購物的熱門新蒲點,佔地30,000平方米,有上海蘇豪區之稱的新天地廣場,集合咗過80間商店同食肆,徹徹底底將上海舊有形象改變,創造出一個至新至潮的吃喝玩樂點;不過香港人最喜歡的,是這裏不夜天的氣氛,一般舖頭要到晚上11:00-2:00才關門,最啱夜貓一族!

新天地
交通:乘坐地鐵至黃陂南路站下車,從出口出站後左轉,至太倉路路口左轉即到。
地址:太倉路181弄(新天地廣場北部),興業路123弄(新天地廣場南部)
網址:www.xintiandi.com
empty
鳥瞰全上海東方明珠廣播電視塔
去到上海,又點可以唔去亞洲排名第一、世界排名第三高嘅東方明珠廣播電視塔?樓高468米,位處浦東黃浦江。成個塔嘅設計,主要由3個斜筒體、3個直筒體同埋11個大小不同嘅球體組合而成,提提你觀賞東方明珠塔,最好選擇在晚上,喺水銀燈影照下,東方明珠更見閃亮迷人。

東方明珠廣播電視塔
交通:乘地鐵到陸家嘴站,步行約10分鐘即到
地址:世紀大道1號
開放時間:上午8:30至晚上9:30
價錢:50人民幣(入場費)?100人民幣(3個球)
empty
上海自助遊Package推介
要玩得無憂無慮,最方便當然係買旅行社自助遊Package。酒店位置正,下下喺正觀景區同購物區附近,而且價錢唔算貴,平者三、兩千已經包你4日3夜連飛機票,好抵玩!
飲食地帶:市中心不夜城
呢間喺2002年再次裝修嘅廣場長城假日酒店,坐落於市中心不夜城嘅商業中心區,從酒店至虹橋機場僅20分鐘車程,距浦東國際機場更加係45分鐘車程,最吸引之處係佢喺正地鐵嘅中間站──上海火車站附近,去美食集中營嘅黃陂南路同陝西南路就更加方便,步行都唔使幾分鐘就到,加上附近嘅酒店集中,去邊間酒店享受晚飯重有更多選擇㖭。

旅行社名稱:康泰旅行社(查詢電話:21088111)
旅行團名稱:上海精選四天自遊團
價錢:$2,199(以雙人房計算)
旺季附加費:$600(7月1日至9月30日;大小同價)
酒店名稱:廣場長城假日(4星級)
費用包括:中國東方航空來回上海經濟客位機票一張、3晚酒店住宿、每日早餐
交通小貼士:從酒店步行到上海火車站約10分鐘,再乘地鐵到黃陂南路站、或陝西南路站,前後都不過5個車站,快捷方便。
遊覽觀光:南京東路外灘最啱影相
呢個Package所包嘅和平飯店,位於南京東路外灘,無數電影都愛在此取景,佢嘅歷史更可謂相當悠久,以典型嘅歌德式建築,樓高77米,主要分為南北兩樓,前者於1929年興建,後者於1906年興建,曾有「遠東第一樓」嘅美譽,特別是中國、美國、英國、法國、印度等九國海景特色套房,加上鄰近河南中路站,出站後可步行到外灘、南京路等地觀光、購物,前後不需5分鐘,快捷方便!

旅行社名稱:永安旅遊(查詢電話:29288882)
旅行團名稱:上海3日2夜套票
價錢:$2,999(以雙人房計算)
旺季附加費:逢星期日至四出發加$200;另外在7月16日至8月28日,則加$200;大小同價。
酒店名稱:和平飯店(5星級)
費用包括:港龍航空公司來回上海經濟客位機票一張、2晚酒店住宿、每日早餐
交通小貼士:沿大街「南京東路」行一個街口,大概5分鐘可抵地鐵河南中路站。
empty
方便購物:高檔品牌集中地
樓高30層嘅五星級上海錦滄文華大酒店,位置喺正市內最主要嘅購物區之一──南京西路,而南京西路兩旁嘅商廈同購物商場簡直多到如雨後春笋,其中更有名牌專門店同日式百貨公司,感覺就如置身香港嘅中環購物區一樣,夠高檔夠前衞,好似喺恒隆廣場入面,一級品牌如LV、Armani、Prada等都有齊,絕對係女士們率先搜括嘅對象,從酒店一出,斜對面就有好多酒吧、餐廳,好似有HardRockCafe同太郎日本料理,過兩個街口就到名牌店嘅集中地,可以講話飲食同購物嘅天堂。

旅行社名稱:東瀛遊(查詢電話:23152000)
旅行團名稱:上海3日2夜自悠行
價錢:$3,380?7月1日至7月15日出發(以雙人房計算)
酒店名稱:上海錦滄文華酒店(5星級)
費用包括:港龍航空公司來回上海經濟客位機票一張、2晚酒店住宿
交通小貼士:出酒店後往左轉,沿南京西路落兩個街口(約8分鐘),可抵達靜安寺地鐵站。
empty
■GiorgioArmani在上海開設分店,吸引不少遊客慕名而來!
浦東最繁榮之處
位處陸家嘴世紀大道附近嘅浦東香格里拉酒店,距離浦西市中心只需15分鐘路程,陸家嘴可以講係浦東最繁榮嘅地方,上海金茂君悅大酒店、上海海洋水族館、上海最大型的購物商場正大廣場等,全部都集中在此。

旅行社名稱:新華旅遊(查詢電話:28811788)
旅行團名稱:港龍上海三天自由行
價錢:$3,799?逢星期日至星期四出發,$3,599?逢星期五至星期六出發(以雙人房計算)
旺季附加費:成人$200,小童$150(7月16日至8月28日)
酒店名稱:浦東香格里拉大酒店(5星級)
費用包括:港龍航空來回上海經濟客位機票一張、2晚酒店住宿、每日早餐、來回機場酒店之接送(延期住宿則需放棄回程酒店至機場之接送)、0.3%旅遊業印花稅
交通小貼士:沿世紀大道向黃浦江方向,行兩個街口(約6分鐘),可抵地鐵陸家嘴站。
empty
■上海海洋水族館就在酒店附近。
最近伊勢丹
四季酒店附近有一間名氣好大嘅日本百貨店子,佢就係梅龍鎮伊勢丹,於1997年開業嘅伊勢丹,各適其適嘅化妝品、兒童玩具、食物、時裝、雜貨等都一應俱全,從酒店只需行一條大街便可到達伊勢丹,可以講話非常方便!

旅行社名稱:關鍵旅遊(查詢電話:29212282)
旅行團名稱:上海3日2夜
價錢:$4,000?逢星期一至四出發,$3,800?逢星期五至星期日出發(以雙人房計算)
旺季附加費:7月1至15日逢星期日至四出發加$200;7月16日至8月28日逢星期日至四出發加$400,星期五及六出發加$200;大小同價。
酒店名稱:四季酒店FourSeason(5星級)
費用包括:港龍來回上海經濟客位機票一張、2晚酒店住宿、每日早餐、0.3%旅遊業議會印花稅
交通小貼士:一出酒店門口(石門一路)往左轉,2分鐘可達地鐵石門一路站。