【中環果盤】6連勝斷纜! 湯文亮、沈大師今晚齊撐法國!
盧卡股中環果盤翁世權Cal湯文亮唐牛阿根廷美斯沈振盈法國世界盃
今日周四俄羅斯世界盃Day 8有3場賽事,昨晚戰果應該令大部份讀者及球迷失望,因為西班牙面對「泊大巴」的伊朗無從入手,結果只能以1:0小勝對手,讓球半/兩球,最終開出贏波輸盤局面,同時亦令估西班牙上盤的湯文亮首次失機,未能完成七連勝局面。
其餘兩場,再靠C朗入波的葡萄牙1:0小勝摩洛哥(上盤贏一半);烏拉圭憑「哨牙蘇」蘇亞雷斯執雞,1:0贏沙特(贏波輸盤),昨晚三場賽事全為「細波」。亦令三位估西班牙上盤的名家失利。再度對決的CAL及唐牛,由後者估沙特下盤勝出。Cal對唐牛已錄兩連敗,但正所謂有估未為輸,今晚佢心水為阿根廷上盤(讓平手/半球),同唐牛及翁世權一樣,齊撐美斯。
湯文亮今晚心水則為法國上盤(讓一球),沈大師講到明繼續跟湯文亮!
另一名家盧卡股狀態大勇,已經連中三場,今晚佢估邊隊?大家記得繼續留意FB專頁【蘋果ATM】公布啦!
【中環果盤】估波團陣容鼎盛:
湯文亮 紀惠集團行政總裁
沈振盈 訊匯證券行政總裁
翁世權 瑞通上市產品銷售主管
唐牛 投資專欄作家
盧卡股 投資專欄作家
Cal 動主播
玩法:
每日挑選一場世界盃賽事,以香港馬會推出的讓球盤(亞洲盤)作準,估出「上、下盤」。
蘋果財經,關心你飯碗
http://fb.com/appledailyatm