好耐都冇發表過偉論嘅著名大鱷索羅斯，日前評論過美國今次金融危機，係自1929年大蕭條以來最嚴重，仲話種下今次危機遠因可追溯至美國前總統列根年代所作出的金融政策失誤所致。佢老人家扯到成廿年前咁遠，所謂高人之見委真不得不令人佩服，但另一方面聽完都真係好想笑。

值得持中線

索羅斯又認為今次股市只係反彈，只可維持6周至3個月。這論點比較有意思，因美國經濟將進入衰退，稍後經濟會進一步下跌。股海變化之快，今日不知明天事，未必需要預測得太長遠，如果一個反彈浪可維持3個月，其實已算不俗。
中資股係近日散戶炒作焦點，可留意明天公佈業績的中交建（1800）。自中鐵建（1186）上市後，中交建明顯轉靜，不過論股份質素，中交建不比中鐵建遜色，除憧憬業績理想外，中交建今年接獲海外合約不少，可帶動集團業務持續增長；中交建亦係港珠澳大橋項目中標大熱門之一，值得看好。現價可買入持中線，跌穿3月低位14.56元止蝕。