鍾鎮濤（B哥哥）同女友范姜拍拖多年，本報早前更報道佢哋今年有計劃結婚，而B哥哥早年經歷破產低潮，女友范姜陪伴在側同佢走過低潮。

B哥哥日前接受有線《星級會客室》主持汪曼玲訪問，佢坦承計劃今年同范姜結婚，B哥哥表示：「范姜捱咗咁耐，應該俾個名份佢，好少有人咁蠢。佢好鍾意BB，嗰時當嘉晴係自己嘅咁湊，所以我覺得要俾番個屬於佢嘅BB俾佢。」

講到前妻章小蕙（Teresa），B哥哥表示已經放下：「對Teresa完全無恨，我都想佢好。」

提到02年破產，阿B坦言感受到一沉百踩，不過亦有唔少朋友，但喺破產期佢從來無求人：「朋友係度過難關嘅最大支持，但係我冇同朋友訴過苦，只要有朋友喺身邊就得，更加唔會要朋友喺財政上幫手。」


【壹錘定音.李慧玲】6月4日正式開咪!

收聽方法:請留意【壹錘定音】facebook專頁
https://www.facebook.com/hammerout.hk