租戶周小姐投訴稱,她早前計劃創業,得知食環署招標出租觀塘碼頭熟食市場檔位,到市場視察,惟不能參觀招標檔位內裏情況,因見市場人流尚可,决定投標一檔位經營車仔麵檔。
周小姐稱,她於上月24日以月租4000元,投得熟食市場一檔位,即時繳付一個月按金及一個月上期租金合共8000元,並於上月28日與食環署簽約,本月1日起租。取得鎖匙後往察看,她打開檔位大閘,見到檔內情景,令她大吃一驚。
要求處理 半月未覆
「地下成灘水,望真啲原來天花板不斷滴水,重有一大塊成五呎乘五呎嘅批盪剝落,環境真係好惡劣!有乜理由唔整番個檔位就攞出嚟招標㗎!」她即時要求轉租其他檔位或取消租約,食環署職員卻「歎慢板」,着她以書面向食環署提出要求。
周小姐說,已超過半個月,食環署仍未回覆。「佢哋有問題,都唔積極解決,重一直咁拖,我細佬為咗開檔,份工都辭埋,我畀咗啲錢又冇得攞番,又買晒啲生財工具,𠵱家都唔知點算!」