張珮汶（前名張家瑩）、羅霖、李璧琦（Becky）及鄭敬基夫婦今日盛裝現身九龍站一所酒店，出席製作公司周年活動。剛剛為女兒Alexa擺百日宴的張珮汶表示當了媽咪好開心，每日都享受親自湊女忙碌生活。

張珮汶透露剛巧老公出埠公幹返港，她才放心將囡囡交給老公再出席活動，她說：「囡囡唔難湊，開始建立到默契，每日都係重複沖奶、換片同o氹瞓覺動作，起身就睇囡囡便便，冇諗過自己咁鍾意睇。」張珮汶跟老公都有想過再追多胎，等囡囡不會孤獨，但要先等身體休息一段時間。

上月宣佈跟拍拖5年的商界才俊男友Adrian拉埋天窗的Becky，今晚透露將於下月在教會舉行婚禮，她會跟外國新娘習俗，事前給未婚夫驚喜，不讓他看自己婚紗款式。為了尊重場合，婚紗以莊重為主，當晚宴會主要跟家人食飯，不會太鋪張，但因為3月才決定結婚，一切仍忙於籌備。

對於擬結婚通知書上報稱相同住址，問到是否已經同居？她說：「唔係，係將來我哋嘅地址，而家裝修中，希望盡快雙喜臨門，我意思係指結婚加新居入伙。」暫時未有計劃生小朋友，她笑指夫婦兩人現時共識是決定張帖用甚麼顏色。

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9