韓國神劇《太陽的後裔》令宋仲基同宋慧喬爆紅，當中兩人更傳出撻着，雖然二人多次否認戀情，但喺唔少粉絲心目中佢哋係公認嘅一對。

而噚日就有網民上載一張食店嘅照片，又留言話喬妹同宋仲基前日嚟咗呢度，有粉絲即留言問到底雙宋係兩個人一齊嚟定成班人一齊來，不過其他粉絲就叫大家唔好問，留點空間畀雙宋。至於照片中嘅食店就走平民家庭式風格，似乎雙宋想低調一點，唔想太引人注視。不過有網民就話冇圖冇真相，影唔到雙宋都好難求證到真定假。

另外，宋仲基早前同朴寶劍拍攝嘅pizza廣告，前日就公開拍攝花絮，佢哋喺現場玩得好開心，仲因應劇情爭食最後一塊pizza，相當過癮。