強吻事件+緋聞連環迫供
Ella遭好姨痛擊死穴投降!
好姨不停追問Ella有沒有喜歡過緋聞男友吳卓羲。 資料圖片
好姨指強吻Ella的男歌迷打扮造型,跟她前男友十分相似。 電視圖片
薛家燕細女石耀珠就讀的香港國際學校,前晚在校內體育館舉行慈善卡拉OK比賽,為泰國貧苦孤兒籌款,好姨邀請官恩娜和側田義務演出,其後更在後台親自答謝Ella共襄善舉。
然而好姨答謝過後,忽然問Ella說:「你會唔會探監呀?(指早前因強吻她而被判監兩個月的男歌迷)」由於當時不少記者在場,頓時令Ella一臉尷尬不知如何應對,但好姨未有理會,繼續拿強吻事件作話題,指該男歌迷戴起黑超的打扮,令她想起之前被狗仔隊偷拍的前男友,認為二人打扮造型十分相似。
好姨說:「我都試過表演嘅時候有fans衝上台,保安捉住佢打甩佢兩隻門牙,點知第二日佢又再衝上台,有時啲fans真係太熱情,不過好在佢冇咀我!」
好姨又指當時拍拖經常被狗仔隊跟蹤偷拍,Ella即有感而發說:「被狗仔隊跟住好唔自在,我都明白嘅!」好姨追問Ella為何被狗仔隊跟蹤,Ella尷尬又無奈說:「我都冇辦法!不如我哋講番探監!」
不過好姨仍不肯放過Ella說:「其實吳卓羲幾好吖!有啲戇直,你唔覺咩?」Ella沒料到好姨有此一着,惟有捉住好姨語無倫次說:「好吖!」好姨見狀遂打蛇隨棍上追問:「你有冇啲鍾意佢?」
Ella聞言無奈地說:「我嚟唱歌,唱歌前我比較緊張。」但好姨未有理會,續問Ella唱甚麼歌給吳卓羲聽,Ella終忍不住捉着好姨求饒,並狂打眼色說:「好姨你見唔見到我嘅眼神!」此時好姨始肯放她一馬。
早前Ella被拍下到吳卓羲將軍澳寓所的照片,記者問Ella會否再探望吳卓羲,但Ella答非所問說自己經常到將軍澳區工作,在旁的好姨見狀遂說:「佢平時做嘢先至入將軍澳!」
採訪:王連連 攝影:葉君海