關心妍（阿Jade）、洪天明及葉蘊儀昨日到灣仔擔任美容店的開幕嘉賓。洪天明近日與周家蔚傳出緋聞，女方更不避嫌稱讚他是好男仔，對此天明笑稱：「我老竇都有讚過我。我同佢（周家蔚）係好好嘅朋友，唔理有冇發展機會，我哋都會係好好嘅朋友。」

天明續說：「佢係好女仔，總之大家keep住有來有往，其他就再睇啦。」天明又擺老友錢嘉樂和湯盈盈的緋聞上枱，他說：「盈盈樂樂好啲，佢哋有晒中國國寶嘅名，不過我唔知佢哋真定假，我問過盈盈，佢話唔係，不過我都覺得唔係，因為太熟，而且一個係儍，一個係癲。」
此外，阿Jade早前因為減肥導致上圍縮水，問她緋聞男友「放狗男」有否投訴她太瘦呢？她笑說：「未有攬過，所以冇人投訴，一般人都鍾意女仔fit啲，之前瘦得滯，𠵱家大家都滿意。」
採訪、攝影：駱華齡