近七次快活谷賽事，當中六次有一檔馬勝出，合共交出12場頭馬，始終跑谷草抽到一檔點都着啲。今個禮拜四谷草賽事各駒排位及配搭已於今早公佈，當然又要第一時間睇吓咩馬抽得黃金一檔起步啦！
今戰八匹一檔馬分別為「糖黐豆」、「心中有善」、「破風者」、「櫻花戰士」、「飛馬再威」、「西域猴王」、「喜得福」及「金獅叻將」，其中「金獅叻將」以往一次排一檔即勝，今仗復得檔利不能睇小。另外，「心中有善」及「飛馬再威」分別由潘頓及莫雷拉執韁，強配檔佳亦值得睇好。