樂瞳不時喺instagram post靚相，要長腿有長腿、要事業線有事業線。而今日佢仲破天荒賣大包，post三點式泳照，睇唔佢細細粒，身材又真幾好，今次點解咁抵得諗？咪就係為咗吸客囉！

原來樂瞳最近開咗youtube channel，佢今次化晒靚妝，着晒比堅呢咁咪就係為咗吸引大家去睇佢個channel，不過入到去，又真係嚇親嘅，仲「涉嫌」違反「商品說明條例」o添！事關佢暫時只係upload咗三條片，全部都係佢唱歌嘅片，其中兩條佢都係素顏上陣.....好pure、好true呀！

留意番，其實樂瞳曾經都係歌手，前後仲加盟過陳冠希、DJ Tommy嘅唱片公司同星煥，不過就冇跟何哲圖過檔星夢。唔通樂瞳想好似坤哥咁想喺youtube唱翻生？