石修與兒子陳宇琛(Sam)、姜麗文及東華三院主席何超蕸等，今日喺灣仔出席微電影《珍惜》首映禮，石修話喺戲中有認知障礙症，同囝囝喺戲中亦係飾演父子，Sam話希望大家多啲關注呢個病，0依家後生仔忙於搏殺都好，都唔好疏忽照顧老人家。

問到佢同爸爸有冇每日一電？佢話：「我同爸爸幾乎每日見面，或者傳短訊，似兩兄弟多過兩父子。」提到父親節將至，Sam笑言：「0依家講咪冇驚喜。」石修即說:「佢每年都會比驚喜我，尊重番佢安排，唔好比我知，扮驚喜仲難扮。」

姜麗文戲中飾演護士照顧石修，佢話最難係記中文醫學名，會靠拼音幫助，佢話同石修合作冇壓力，休息時會請教石修，佢又話平時會請教爸爸(秦沛)做戲意見。