冷氣費往往貴得嚇人，其實只要懂一點竅門，便可慳回不少電費。港九電器工程電業器材職工會理事長溫冠新說，要節省冷氣機用電量，選擇匹數合適的冷氣機相當重要，以100呎的睡房來說，一部四分三匹冷氣機已很足夠。

「開15分鐘閂15分鐘」

其次要將冷氣機調至適當溫度，「26℃差唔多，咁部冷氣就唔使長開，開15分鐘，閂15分鐘。」若再能設定冷氣機於清晨時分自動關掉，並改用風扇，便慳上加慳，「做晒所有嘢，冷氣費隨時可以慳一半。」以其辦公室為為例，他將冷氣由22℃調校至26℃，並配上風扇，「除晒西裝其實都已經好舒服，電費由1,200元減到600元。」
不少網民都抱怨冷氣電費過高。網友幸運星在「FightClub」討論區說：「基本上最食電嘅電器係冷氣機，開少啲（電費）差好遠。」網友愚蠢的人則建議使用「天然冷氣」：「好風時，可以放一大塊濕毛巾響啲入風位都有啲用㗎。」