當年今日

趣趣地:朗尼隨俗「感恩」天倫樂

蘋果日報 2018/11/24 00:00


星期四係美國嘅感恩節,效力美職華盛頓聯隊、啱啱上星期最後一次代表英格蘭上陣嘅朗尼就已經返到美國,同老婆仲有四位囝囝一家六口一齊去迪士尼樂園過節。朗尼今季轉戰美職,獲得太太高蓮同四位小朋友嘅支持,齊齊移居去美國陪佢。嚟到美國定居,當然就要跟番美國嘅傳統,一家人開開心心咁過感恩節啦!朗尼星期四就喺社交網站上載咗佢同屋企人去迪士尼樂園玩嘅相(圖),一家人非常幸福,相信高蓮見到朗尼𠵱家咁生性顧家,一定開心晒啦。