韓國人氣劇《雲畫的月光》男星朴寶劍因劇集帶挈而人氣急升，並於去年12月10號起展開「Oh Happy Day:2016-2017 Asia Fan Meeting Tour」粉絲見面會，當中首站喺馬來西亞吉隆坡舉行，之後再到香港、印尼、台灣、東京、曼谷及新加坡，而今日就喺首爾一站舉行尾場，為佢嘅亞洲巡迴粉絲見面會劃上句號。

而今日朴寶劍喺見面會現場仲獲《雲畫》嘅好拍檔郭東延力挺，郭東延以特別嘉賓嘅身份驚喜現身，二人喺現場重溫《雲畫》時嘅合照，又一齊着上情侶T恤，sweet到漏油。

朴寶劍喺現場就大晒冧招，又以哈利波特嘅造型現身唱歌，令粉絲十分驚喜。之後着上圍裙炮製生日蛋糕畀當場生日嘅粉絲，冧暈粉絲。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。