『Son姐，之前有聽你講過你做獵頭嘅時候都有被大銀行欺負過，可唔可以話我知係邊間？我最近都被有類似經驗，求助無門想睇吓你可唔可以畀啲意見我取回公道。跟開我個戶口嘅RM，幫我處理投資買賣嘅時候出錯，之後仲要唔出聲，直至銀行追我數我先知道。佢拒絕承擔錯誤，搵個所謂上司出嚟同我解釋根本衰過唔講。我嬲起上嚟去銀行總部要求見銀行高層當面傾，反而報警話我滋擾要趕我走，即係包庇出錯員工唔想負責任啦！

依家我個case好似個波咁拋來拋去，追問極都係話我個情況已經交左俾相關部門負責處理，即係乜嘢部門？次次都噏一個唔同嘅，擺明耍我！我真係好憤怒，因為蝕咗嘅錢牽涉埋屋企其他人，搞到家嘈屋閉我變咗罪人，咁我嘅損失可以去邊度追討要求賠償？』

我被大銀行欺負已是十幾年前的事，當年欺負我的人已經退下火線，事過境遷，再公開指責的話對今日沒有得罪我的職員亦不公平。

今時今日不管透過任何途徑用那一間銀行做投資買賣都好，都有非常嚴謹的程序要跟足。過程中會不會有出錯，當然會有可能，要追究處理過程中是否有人為錯誤，銀行翻查需要時間亦是事實，不一定是在敷衍你。

不過作為戶口持有人，亦要懂得保障自己，每一次交易之後都應該保留收據，還有網上銀行如此方便，應該要翻查確認指示是否有做好辦妥。你的case詳情我不知道，不過如果那位RM跟足指示程序又有錄音，買賣文件你又有簽名確認的話，之後你說是RM出錯導致你出現損失虧損，你有甚麼可以舉證做證？

你很憤怒突然衝入銀行大吵大鬧要見高層，保安即時制止報警求助很正常。其實即使高層肯見你，極其量都只能講幾句門面說話安撫你，極其量是答應你加快調查進度。其實你還可以去HKMA（金管局）投訴，你去了未？

事到如今，幾不服氣都好，始終都是看證據，坦白講，調查出來的結果，恐怕不是你想要的結果，要作好心理準備。

張慧敏
-----------------------------
你撐蘋果 我捐$1
支援反送中抗爭者