喺連登財經台嘅強勢股區，有一批網友表示已減倉甚至轉輕倉。有人持有嘅舜宇要止蝕，吉利（175）更加令網友叫苦連天。至於大家最關心嘅騰訊（700），喺「騰訊訊心必勝法」帖內，騰訊支持者普遍未識驚，其中，有網友「收音龜頭2」問：「有冇近牛介紹，想追返輸咗嘅人工。」有人回覆：「香港真係得意，爹親娘親不及股票親。」

連登亦有唔少人想買騰訊正股溝貨：「諗緊好唔好而家溝（騰訊），之前手415」。被回覆：「小心溝溝下，成副身家溝曬。」「其實溝貨係唔認輸嘅表現，除非真係好有訊心啦。」不過「有仇不報非靚女」講到：「如果連騰訊都無信心，唔洗買股票。」

蘋果財經，關心你飯碗
http://fb.com/appledailyatm