韓劇《花樣男子》女星具惠善同《來自星星的你》男星安宰賢主演嘅新劇《Blood》喺下星期一就會首播,而兩位男女主角噚晚就作客KBS嘅綜藝節目《HappyTogether》,佢兩個為咗引起關注,仲各自出賣戀情添。
話說當晚節目以「有冇悄悄约會過」嚟做主題,通常藝人都會保護自打,死口都話冇,但係具惠善就好誠實咁自爆話:「我通常都喺屋企約會多。對方係藝人,都係以前嘅事。」
之後佢仲話我唔介意公開戀情,因為我係對男人全心全意嘅人,仲話自己曾經多次覺得對方唔愛佢添。
至於安宰賢被問到有冇試過偷偷约會時,佢亦都好老實咁話有,仲話覺得越遮遮掩掩就越容易被人發現,所以如果自己被人發現拍拖,就會公開。
之後主持人就追問佢而家有冇偷偷約會,安宰賢就話:“我而家好努力咁偷偷見面而唔被人發現。」佢之後仲話自己唔會去戲院拍拖添!
另外,《Blood》今日就公開咗具惠善著醫生袍,兼染到成第血嘅新劇照。