由皇家馬德里外借去拜仁慕尼黑兩年嘅哥倫比亞球星占士洛迪古斯（J.Rod），同佢位結婚六年嘅model兼商人老婆丹妮娜奧斯賓亦分開咗，丹妮娜日前就為佢同J.Rod離婚呢件事解畫，話原因係佢唔想去德國，希望繼續做企業家。

24歲嘅丹妮娜係阿仙奴門將奧斯賓拿妹妹，媒體報道佢同J.Rod離婚呢件事雖有其他理由，但丹妮娜就好直接︰「我唔想去德國，我想繼續喺哥倫比亞同西班牙做企業家。占士決定咗去拜仁希望扭轉佢嘅職業生涯，呢個好明顯係好困難同埋令人傷心嘅決定，但感謝主帝，我哋都可以好成熟同好冷靜咁處理。」丹妮娜仲話，佢哋只係想保護囡囡，因為當佢哋決定要生小朋友就知道係責任係一世嘅。丹妮娜強調同J.Rod互相尊重，佢哋都知道為咗養育囡囡，保持良好關係非常重要。