【生多個收爐】黎諾懿望老婆明年生豬女:我已經努力「造緊嘢」
黎諾懿最強人氣飛躍男星最強人氣飛躍女星李佳芯
黎諾懿同李佳芯今年合作拍劇集《BB來了》成功入屋,事關兩人嘅角色,正正係今時今日好多夫婦都要面對嘅問題。與此同時,佢哋兩個今年都做咗大台金蛋,過去一年拍咗唔少廣告。
今日,黎諾懿孖住劇中老婆李佳芯喺將軍澳出席頒奬禮,佢笑住話:「今年都拍咗7、8個廣告,因為我好抵用,廣告商可以多啲搵我呀!」
講到今個月16號會宣佈視帝視后,問黎諾懿有冇信心攞獎,佢就話:「咁有一個好劇本,大家又鍾意個劇,我會努力爭吓o架喇!希望到時可以同佳芯一齊上台攞獎。」
不過,黎諾懿話攞唔攞獎都好,明年都有一個大project,就係同老婆努力「造」豬女。佢話:「我已經努力『造緊嘢』,不過生多個就唔會再追,因為囝囝都好黐身,噚晚都瞓得唔好,小春雞半夜3點起身,終於搞到朝早6點先有得瞓。」
精選娛聞,喺晒《娛果》
http://fb.com/appledailyent