王菀之今日喺商台宣傳新歌《忘記有時》，呢首歌係講人大咗，時間唔夠用，佢話：「屋企同工作上有好多事都要處理，o依家都市人長期喺極速環境下生活，又習慣咗手機嘅方便，好容易搵到大家，所以同時要處理好多事而係自己唔知，唔似以前咁搵個人都要幾日。」可以check老公蘇卓航（Eric So）？佢即刻話：「我冇諗過科技有呢個用處。」

生小朋友計劃咪要擱置？王菀之話：「暫時冇諗，唔生住，不過呢啲好難講，（怕意外有咗？）唔知呢。」係咪不設防？佢面紅紅咁話：「唔講呢啲畀你知，怕醜㗎嘛！」王菀之話父母同老公都冇催佢：「大家都忙，我哋共同話題係創作上，生BB話題好少講。」