當年今日

打入全球十大雜誌封面
超儀何家淑女Look煞食

蘋果日報 2002/02/27 00:00


賭王何鴻燊的千金何超儀(Josie)去年以「何家淑女」look,為時裝雜誌《Zip》拍封面,更獲日本潮流雜誌《流行通信》三月號,選為全球十大出色時裝雜誌封面之一。Josie昨日接受本報專訪時,大談穿衣之道。
賭王何鴻燊千金何超儀(Josie)曾獲十大傑出衣着獎,衣着品味備受推崇。去年十一月她以「何家淑女」look,穿上Chanel春夏新裝,駁上長髮,成為時裝雜誌《Zip》封面女郎,更獲日本時裝雜誌《流行通信》三月份中一輯WorldMagazine的報道,選為全球十大最出色的時裝封面之一。

姊弟舊衫輪流着
Josie昨日接受本報專訪時說:「自己一向畀人嘅感覺係Wild(狂野),絕對唔可以用斯文嚟形容,舊年偶然扮吓靚女,就成為全球最出色嘅時裝封面,真係覺得好開心同好威。我未試過有咁長頭髮,嗰日影相影咗成八個鐘㗎!」
Josie回憶童年時要穿家人的舊衫,她說:「我哋全家都係連卡佛嘅擁躉,細細個要着家姐啲舊衫,大家姐傳畀二家姐,再傳畀三家姐,然後先到我,再輪到細佬(何猷龍)。全部係媽咪揀,直至大個啲十二、三歲,就同家姐(指何超瓊)出街開始自己買衫。」
拒拍外國全裸戲
問Josie本身是賭王家族成員,言行衣着會否加以檢點?Josie說:「總之唔會令何家丟架,好似曾拍《情慾色香味》嘅導演彼得格連納韋(PeterGreenaway)九八年搵我拍《81/2Women》做女主角,要有全裸演出。我有同Pansy(何超瓊)研究過,最後自己冇信心咪推咗,最後個角色由伊能靜演出。」
談及穿衣之道,她有自己的一套理論,她說:「會着和諧同contrast,mix&match都好重要,唔會刻意追潮流。」
採訪:RitaLeung
圖片提供:《Zip》雜誌