今朝兩位上屆嘅一哥韋達同葉楚航，喺烽火台密斟多時，究竟佢哋傾啲乜？睇番排位表，原來佢哋獨合作第二場四班1000米「心中有盈」，而韋達早上亦有操呢匹馬，相信話題亦不離此。早前「心中有盈」試過兩課大閘，均由韋達出試，但亦走勢平平。不過，埋門仍見韋達再摸，可見重視；再睇埋騎者同馬主胡百滔的合作，更見他們有默契，因為韋達曾策同主馬「心中有程」四次，便獲三冠一季，今次策「心中有盈」，看來並非無的放矢。