【影相角度避得到】大大紮玫瑰慶祝生日 猷啟未婚妻未見肚
結婚GiGi未婚妻何猷啟有喜
賭王何鴻燊三房27歲兒子何猷啟(Orlando)喺今年大年初二就宣佈向國產女友GiGi求婚成功,而隔咗幾個星期猷啟出席活動時亦都春風滿面咁直認已經訂婚,而婚禮更加係籌備當中,行動迅速惹嚟雙喜臨門嘅揣測。
猷啟去年5月和以色列籍索模Angelika Nikolaeva分手,結束異地戀之後,話咁快又開始另一段異地戀。上年平安夜高調晒愛,貼出同新歡十指緊扣相,正式公開新戀情。
上月猷啟嘅未婚妻被影到疑似大肚,而猷啟回覆《蘋果》時亦冇否認未婚妻大肚嘅事表示:「多謝關心,正如之前所講,我和GiGi正籌備年底結婚,有好消息一定同大家分享。」(新聞連結: https://bit.ly/2Hf2QLf )
今日猷啟喺IG貼出幾張同未婚妻慶祝生日嘅相,相中見到猷啟同未婚妻拎住個微型蛋糕影相,床上有一大紮白玫瑰,仲要有埋燈光襯托,場面極度浪漫,最後再補上一張合照,高調放閃,不過,相中所見未婚妻個肚可能因為裝束同角度,暫時都仲未見到有明顯隆起,而三張相換咗兩套衫,所以都仲未知道到底猷啟未婚妻係咪真係有喜呢?就要等多陣先知喇。
精選娛聞,喺晒《娛果》
http://fb.com/appledailyent
今日猷啟喺IG貼出幾張同未婚妻慶祝生日嘅相(IG圖片)
床上有一大紮白玫瑰,仲要有埋燈光襯托,場面極度浪漫(IG圖片)
相中所見未婚妻個肚可能因為裝束同角度,暫時都仲未見到有明顯隆起(IG圖片)