當年今日
關於我們
【玉女三十變】35歲衛詩雅扮天真 不停「變身」減齡變22歲少女
蘋果日報 2020/03/19 16:40
衛詩雅
熟女愛漫遊
35歲衛詩雅(Michelle)早前在東京拍攝電影《熟女愛漫遊》,導演蔡潔鈴為突顯她在戲中天真性格,特別為Michelle度身訂造了超過30個造型,她說:「開拍之前試造型,導演話可能要試兩日,我心諗有咩可能要試咁耐?點知上到去以為自己去咗Boutique,因為佢哋差唔多準備咗成50套衫,而且好多都係走可愛路線,好cute好少女又colourful嘅服飾畀我,每試一套衫都覺得自己後生晒,變番22歲嘅年紀,其中有幾個造型我好鍾意,劇組拍完戲仲特登送畀我留念!」
Michelle笑言有些造型太可愛,跟真人性格有出入,她續說:「到咗呢個年紀,應該都冇乜嘢機會喺現實生活中着呢啲衫,所以好珍惜拍戲時可以着得咁青春。其實電影中好多造型我都未試過,因為太過可愛唔係我嘅style,但諗深一層,不過拍戲初期我都因為太多造型搞到好混亂,成日都唔知自己拍到邊場戲,要花啲時間諗返劇情同情緒。甚至試過一日要換3到4個造型,但亦都因為咁,畀我練成極速換衫又唔會整花個妝嘅技術。」
Michelle自爆第一次着和服:「和服連埋頭飾有成7、8磅重,仲要係超緊身,想大力啲呼吸都好難,所以我最後要等拍完成場戲先可以再食嘢,第一次着和服體驗好有趣,大家都讚我kawaii,為咗靚捱一陣肚餓都係值得嘅!」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》