日前歌神許冠傑（Sam）同校長譚詠麟開完十二場演唱會後，阿Sam又繼續佢嘅巡迴演唱會，早前就去咗廣州站開騷。

演唱會上，阿Sam除咗唱出多首經典歌，當晚仲請咗早排喺演唱會上，同佢咀嘴嘅歌手陳凱彤（Lillian）做表演嘉賓。二人合唱咗《心裡日記》同《夜半輕私語》。演唱會前幾日，適逢係阿Sam 69歲生日，同阿Sam做咗5場巡迴騷嘅Lillian當然有送禮物：「我覺得Sam哥戴『超』好有型，所以送咗副太陽眼鏡送俾佢。」不過最估唔到嘅係，Sam竟然有回禮，Lillian話：「因為我8月尾生日，Sam哥就喺台上面封番封利是俾我，我覺得好sweet，仲有佢嘅親筆簽名㗎！」