東涌街坊覃生對於區內配套相當多怨言：「交通好貴，無事都唔會出去（市區），一個禮拜最多出去一次。無買套票的話，過九龍單程都要十幾廿蚊，重未計來回。」覃生指：「我係邨內當保安，拎最低工資，但係度食餐飯都要50蚊，街市買餸成18、20蚊一斤菜。」「邨內連公廁都無，夜晚商場同舖頭閂咗就搵唔到廁所。」問及有沒有興趣抽新居屋，「無興趣，收入咁低邊有興趣買。」他亦表示不會建議已經搬出去的女兒及女婿買裕泰苑。「7,000蚊一呎差不多，因為出面樓價都好貴，而家單人公屋都好多人搶，有間屋住點都好過住劏房啦。」至於政府帶頭建劏房居屋，他認為無辦法，因為現時流行，但認為需要規管。

東涌街坊余小姐表示，知道區內有新居屋開售，媽媽亦有興趣抽籤。屋苑入場費約160萬元，她表示：「樓價愈來愈貴，對於基層市民來說負擔很重，為咗層樓可能要儲好耐錢先買到樓。」「逸東邨一帶套配不錯，有車站又有醫院。由東涌去市區返工的話不方便，但如果於機場返工就可以。」對比其他新居屋，「東涌係新市鎮，環境冇咁迫，其他區設施可能比較舊，例如深水埗等。」