【八隻腳好混亂】黎姿疫情下另類課餘活動 玩母女浸腳鬆一鬆
黎姿三隻小豬
武漢肺炎肆虐香港,由於學校復課無期,學生要留在家中上堂做功課,不少家長都要陪仔女做功課,如已有三女的黎姿一樣,她也要在家中跟囡囡功課。
今日,黎姿就在社交網分享了與囡囡一齊在家親子浸腳相,四對腳在木桶泡腳養生,她留言表示跟完「三隻小豬」做功課,就泡腳輕鬆一下,點知她三名囡囡又要浸埋一份:「一雙⋯⋯兩雙⋯⋯三雙腳很快已經擠滿水桶,水花四濺,小腳仔越來越暖,突然覺得此刻心也是暖暖的呢。」四個女人八隻腳,相當擠逼,而黎姿雖已是人母,但雙腿依然白滑,絕不比三名囡囡輸蝕。
不少網民見到黎姿與囡囡的浸腳相都紛紛給Like及大給心心emoji公仔,更留言:「好cute,好溫馨,我今晚又要同我個女試下先!」、「so sweet」、「暖心」等。
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
黎姿陪完囡囡做功課,諗住浸腳鬆一鬆,點知囡囡都要加入(IG截圖)