德平叔慨嘆，自三年前與妻子離異後，一直父兼母職，靠擔任水泥工人，憑雙手撫養當時尚在學的子女，感情要好。他微笑道：「開頭佢哋（子女）知道我有病都係咁喊，接受唔到，𠵱家阿仔都會成日打嚟問我喺邊，擔心我有事。」他患病後，孝順的長女（20歲）成經濟支柱，他則只領傷殘金，「本身都想拎綜援，但仔女話唔好，話等佢哋養我」。
年前長女結婚及誕下麟兒，德平叔榮升外公，每次提起外孫總笑得合不攏嘴，他憧憬道：「見到個女結婚、生仔，都希望見到個仔咁，仲想快啲好番去做義工」。
不忌諱談「死亡」的他更表示希望日後能成為「無言老師」，他說：「反正都係燒咗佢（遺體），咁不如貢獻社會，畀醫學院啲學生學習！」
德平叔現與幼子（19歲）同住，由幼子任兼職維持生計，未能支付額外每月約2.5萬元的中醫藥治療開支。蘋果基金早前為他籌集的善款只餘約6,000元，他只盼善長能伸出援手，讓他續享家庭樂！
「德平叔」捐款編號：C3106
網上捐款： http://charity.appledaily.com.hk/donate