當年今日
關於我們

【韓流】金希澈IG洩陳年密照始源起範「出土look」曝光

蘋果日報 2015/02/10 06:00

蘋果香港白雪公主SuperJunior崔始源金希澈灰姑娘即時20歲金起範陳年舊照bugsy辛巴獅子王

韓國男團SuperJunior(SJ)嘅金希澈最愛係微博、Instagram等網上平台上載新照片,好多SJ粉絲都日日捧場追佢啲post。

希澈今朝又忍唔住手,上載咗一張陳年舊照,又寫咗一大段文字,未講段文字寫咩時,睇到張相都當唐嚇咗一跳,相中除咗有希澈外,亦都有兩位成員崔始源和金起範,三位大男孩當年都大約只得約廿歲,個樣真係好幼嫩,特別係一頭長鬆髮嘅希澈,同0依家個樣真係差好遠,反而起範同始源都keep到,但始源個娘爆飛仔頭,真係...傷透粉絲嘅心呢。

雖然起範依家主力係內地發展,但係成班SJ成員嘅感情都好好,所以即使分隔兩地,希澈都好掛住好兄弟,希澈仲留言話要同粉絲講故仔,寫道:「你哋嘅哥哥20歲時嘅樣子,起範係變成大叔範之前,始源像Bugsy(始源所養嘅狗仔)之前,但係唔知道係邊個瞬間開始,起範愛上咗鬚子,始源愛上咗肌肉,澈哥哥仲跟遊戲角色相愛,這是多麼悲傷嘅一個故事啊。更好笑嘅係,我係灰姑娘,起範係白雪公主,始源係辛巴(《獅子王》嘅主角)。」