陳展鵬中午去咗新城接受薛家燕訪問，家燕姐仲話特登要問佢情人節有咩搞作，不過展鵬話情人節期間要同鍾嘉欣去美國登台，講到話佢同嘉欣傳過緋聞，展鵬話:「傳啫，後來都無疾而終啦，不過我哋係銀幕情侶。」

不過展鵬話自己其實都恨拍拖嘅:「我都有需要嘅，唔通個和尚咩，但係要遇到啱先。」仲話屋企人無催過佢拍拖，反而朋友就會介紹女仔佢識，不過都仲係冇合眼緣。