《明周》48周年派對今晚喺跑馬地舉行，好多圈中人都賞面出席，仲成為咗佢哋鬧靚嘅「戰場」！

筱靖今晚重着住黑色大露背晚裝到場，成個背脊一覽無遺，下半身仲只係着住一條薄紗裙，雙腳若隱若現贏盡效果。同場嘅羅霖就啱啱好完全相反，着住一件白色低胸晚裝，谷盡4寸究業線到場。另一位好性感嘅溫碧霞就同衛詩雅一齊到，佢着住一件銀色珠片裙閃令令，雖然冇谷胸，但就一樣低胸好搶鏡。