夏日炎炎，最好係同陽光玩遊戲，嬉水降溫，有靚女一齊作樂，梗係賞心樂事，特別解暑，大台今年又製作節目《大玩特玩》，由林盛斌（Bob）帶隊，同埋一班帥哥翟威廉、何浩文、溫家偉、區永權同譚永浩，再同索女黃美祺、林秀怡、陳嘉桓、蔚雨芯、歐陽巧瑩同何佩瑜（Jeana）出發江門外景。

Bob噚晚喺facebook貼出全男班赤膊相，成班仔一字排開，論身形以港男冠軍出身嘅翟威廉最fit，「鴨王」何浩文都唔差，企正中間凸腩示人嘅Bob依然最搶鏡，仲自信心十足。Bob貼相後留言：「呢個禮拜《大玩特玩》，不停玩玩玩。放心，福利圖聽日有，睇住啲仔先！」Bob今日守承諾派福利，佢貼咗同成班靚女相，梗係令人酸葡萄，靚女當中，34D林秀怡同34C歐陽巧瑩最吸睛，分別大騷胸前3吋，陳嘉桓同Jeana則賣長腿，向來有魔鬼身材嘅蔚雨芯竟要保守穿上一件頭泳衣，沒甚睇頭。

精選娛聞，喺晒《娛果》
http://fb.com/appledailyent