【李八方online】克警中英文水平齊出事 李Sir示範徒手開證物穩軍心
蘋果日報 2019/09/23 19:29
李八方ONLINE李桂華逃犯條例謝振中引渡惡法
【新增動新聞】
「又唔讀書～又唔做嘢～」相信近期唔少人對呢首改編歌曲都耳熟能詳，但對住冇冧巴、又遮晒樣嘅克警，係唔係毅進仔、又廢又要威就無從得知，唯一可以肯定嘅係，對於專業嘅克警們嘅語言水平，大家唔好有抱有太大期望。
「又唔讀書～又唔做嘢～」相信近期唔少人對呢首改編歌曲都耳熟能詳，但對住冇冧巴、又遮晒樣嘅克警，係唔係毅進仔、又廢又要威就無從得知，唯一可以肯定嘅係，對於專業嘅克警們嘅語言水平，大家唔好有抱有太大期望。
繼早前一位港大新聞系外國碩士生回應克警查問其名字時表示「I'm Bryan. What’s the problem？」被錯誤理解其名為「Bryan Problem」；近期又有克警用英文向記者表示採訪要站於「10 miles」以外，及後用中文先知更正為「10米」。
以為轉返中文channel就冇問題？一樣出事咋，今日警方例行記者會上，警察公共關係科總警司謝振中指示威者「草『管』乘客生命」，不過可能管開人有條路，先將「菅（粵音：艱）」口快讀成「管」啫。另一方面，有組織罪案及三合會調查科高級警司李桂華，經驗老到到案未判已知示威人士「『悔』辱國旗」，認真犀利，但就似乎就仍未學識保存證物嘅重要性。繼早前有克警用廿秒即場示範所謂「高能量雷射槍」嘅殺傷力，被指涉嫌干擾證物，李Sir可能為免前線同事面對指控受壓，先決定以身作則，即場徒手示範打開改裝長遮展示證物，以穩軍心。
