自從葉繼歡在港持械行劫成為頭號通緝犯後，過去20多年葉家不停在汕尾家鄉以各種名義捐款；無論是葉繼歡的出生地梅隴孔子門村的村民，還是在汕尾市葉家祖屋的鄰居，講起葉家，村民都稱讚「佢哋係大善人，係慈善家！」至於何以屢屢捐獻，不少村民諱莫如深，只有極少數人敢講：「30年來，不停咁捐錢，先保得歲歲平安。」

葉繼歡在香港「吃大茶飯」返來有冇嘢益你哋！？「咪捐錢起關帝廟囉，由04年至17年，以葉繼歡家族名義就捐咗12萬！」廟祝三哥說：「佢幾兄弟經常返來拜關帝，其實佢地一直都捐錢畀關帝，只是以前冇紀錄。」；「佢啲兄弟仲有以其他名義捐錢，凡係需要捐錢的地方，佢哋都唔會托手肘！」；三哥重申：「如果講惡，汕尾十大惡人冇佢份！」

「呢對大石獅係佢細佬繼聰捐嘅，佢細妹慶君當日攞住22萬人民幣現金來。」另一名廟宇管理助理陳女士表示，葉繼歡家族對關帝廟可謂是出錢出力。對於葉繼歡在港搶劫金行大案，持有香港身份證的陳女士則說：「嗰啲嘢我就唔清楚！」

村民口中，葉繼歡家族貢獻良多，有村民稱讚葉家「捐咗好多錢，起學校啦，起祠堂；修橋補路」！葉的出生地孔子門村，有村民稱讚葉繼歡是大善人，另有村民指現時孔子門村至梅隴的水泥路，葉家亦有份捐錢興建。

你敢爆，我敢獎！ 即Call《蘋果》24小時爆相爆片熱線 ：63836568