當年今日

扮電玩o架妹輸畀Rainbow
馮仁昭四圍超:椋名凜譏周秀娜有AV味 - 馮仁昭

蘋果日報 2009/08/17 00:00


椋名凜(Rin)同胡心諾(Rainbow)噚日着住日式浴衣現身銅鑼灣推介新電玩遊戲,經過一輪動作示範比拼,扮日本妹嘅Rainbow竟然打敗真正日本妹Rin,奪得可愛造型動作大獎。
前日周秀娜當眾俾人爆粗性騷擾,Rin話完全唔知呢件事,若果係佢俾人性騷擾會好嬲,因為感覺受辱。佢覺得件事同周秀娜太性感有關,佢話自己就視乎工作需要先性感。講到周秀娜有冇AV味道,Rin話:「都有少少。」至於佢同周秀娜比較邊個性感啲,佢就話:「自己係時裝模特兒,周秀娜係水着女郎。」
empty
Rin雖然着咗浴衣包到實,但係依然用眼神向身旁男士狂放生電。
empty
周秀娜(圖)日前俾人公然出口性騷擾,椋名凜話佢直情有日本AV女郎feel喎。資料圖片
堅持繼續性感
Rainbow就認為出言性騷擾嘅男人係表達個人意見,不過揀錯方法、場合。問到覺唔覺係攬枕同性感寫真令人瘋狂,佢重申攬枕同刷牙相係好好嘅商業橋段,係啲人諗得唔好啫。佢唔擔心自己出席活動被性騷擾,同樣都視乎需要而繼續性感,佢仲話:「自己賣青春,周秀娜就賣身材。」
empty
Rainbow揸住支棒棒蒙住眼亂咁扑,表現得雞手鴨腳。