洪永城今日在紅磡出席旅遊活動，他透露7月尾會與黃翠如到澳洲拍攝旅遊節目，提到翠如曾笑指是他們最後一次合作，洪永城笑說：「佢真係倒米，咁講有冇搞錯，如果觀眾鍾意我哋係會繼續做，不過度期就難啲，因為大家要拍劇，又有另一半。」

何不下次叫埋另一半，那就可以4人同行，洪永城說：「我反而有諗今個節目嘅opening，由阿蕭（蕭正楠）同我女朋友（梁諾妍）一齊食飯帶出。」由於今日活動主題是鐵道遊，所以特別前來取經，如將來有機會，可與女友，或者與自己家人及女友家人一起旅遊。

洪永城對於早前被《蘋者》讀者「爆相爆片」指他與女友在西貢恩愛放狗（新聞連結： https://bit.ly/2WKYqDA ），他笑說：「我執屎嘅姿勢幾有氣勢，嗰條片做得幾好，我啱啱開始養狗，女友嘅養狗經驗比我多，所以佢都有教我點樣訓練一隻好狗。」

此外，對於前港男梁裕恆（Flow）爆料指楊明形容挖磚示威者：「癲X咗！」（新聞連結： https://bit.ly/2XlWNAq ），洪永城說：「我睇到少少新聞，我唔知佢覆邊個group，又唔知佢講啲咩，所以我唔評論楊明講咩。」

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多