禮拜三晚谷草賽事用C欄，呢條跑道唔同路程，有唔同嘅致勝策略，因為賽果顯示短途利放，中長途利追。以最近2月19日賽事為例，四匹1200米或以下的頭馬，其中「創出商機」及「你知我心」一放到底，另外「天地福星」守前領馬之後的貼欄包廂位下建功。至於四匹一哩或以上頭馬入面，就有「勇先生」、「興趣」及「旅遊名牌」居中後上勝出，所以大家揀馬要有兩套策略。
今戰列陣馬中，第七場「勁感」上仗正是在2月19日谷草C欄後上入Q，等番同一移欄再跑，可憑後勁制勝。另外，尾場「愛寶駒」三次跑谷草C欄均上名，雖然排11檔，不過同場快馬唔算多，搶出切入的話，有力再次帶到贏馬。