當年今日
關於我們

  煲呔今年周身唔得閒 - 李八方

蘋果日報 2002/01/01 00:00


煲呔曾噚日大除夕冇公開活動,原來佢晚上好忙,要去兩場除夕派對,全部私人活動,八方知道佢個仔喺英國番咗嚟,煲呔好高興。
至於二○○二年嘅願望,佢就話,好簡單,希望香港經濟好,香港百業興旺、市民安居樂業。而作為公務員之首,老董一人之下,佢老兄誓言旦旦話政府一定會竭誠為市民同社會謀福祉,服務大家。
八方睇嚟,○二年煲呔都好多嘢做,又要執埋陳太手尾,完成房屋架構檢討;又要拍板沙田中環線;又要搞好部長制嘅執行落實,重有班公務員要安撫鼓勵,真係周身唔得閒。
當然,阿董連任在即,各負責部長亦快出台,唔做好準備工夫,畀啲嘢啲市民睇,又點交差呢?
(圖)煲呔除夕只參加私人聚會,而佢前晚去劉皇發飲宴時就非常畀面,太太(右)重攞住件銀狐皮草㖭。


E-mail:[email protected]