憑神劇《太陽的後裔》而人氣急升嘅陳久，佢喺劇中飾演man爆嘅徐大英，雖然喺劇中成日一本正經，但就好深愛劇中嘅愛人尹明珠(金智媛飾)，成功令佢吸納唔少粉絲。

陳久喺前日《太陽》大結局當日就飛咗去北京，同過百粉絲一齊睇大結局，陳久喺現場同粉絲打成一片，仲同粉絲自拍影大合照，真係好鬼sweet。而完成咗活動後，噚晚陳久已返回韓國，除咗喺北京受歡迎外，陳久返到韓國同樣受歡迎，喺機場仲獲粉絲追住問佢攞簽名，又收到唔少粉絲送畀佢禮物同鮮花，陳久亦都好親民，邊行邊同粉絲簽名，nice到爆。