由俞承豪同蔡秀彬主演嘅韓劇《不是機器人啊》，港劇迷可於Viu上同步觀看。劇集噚日播出第13及第14集，劇集講俞承豪飾演嘅企業家金敏圭患咗人類過敏症，而蔡秀彬飾演嘅趙智雅就假扮機械人同俞承豪相處。

俞承豪為咗向初戀情人求婚，認真請教接吻講師學習，而俞承豪同初戀約會後悶悶不樂，當佢同蔡秀彬雨中相遇時，蔡秀彬更主動獻吻。俞承豪以為自己嘅初吻就咁樣畀咗機械人，感到相當慌張，回家後顯得神不守舍。

俞承豪走到研究室，發現正在沉睡、真正嘅機械人，佢覺得呢個機械人好陌生。但對於有「機械人」鍾意自己就好高興，仲忍唔住打電話畀醫生炫耀。

而蔡秀彬誤以「趙老闆」嘅身份打電話畀俞承豪，俞承豪仲向佢問有關接吻嘅嘢，言語之間蔡秀彬以為俞承豪覺得接吻一事好荒唐而大感失望，但事實上俞承豪因爲被人單戀而好興奮。

俞承豪同蔡秀彬講叫佢唔好愛上自己，叫蔡秀彬唔可以再有同樣嘅舉動。蔡秀彬假裝唔知道當日發生嘅事，但俞承豪就嬲蔡秀彬唔記得，一直命令佢做家務，晚上俞承豪到研究室和真正嘅機械人對話，對方嘅回答好冷冰冰，令佢覺得一直以來兩人關係是假。

俞承豪嬲爆蔡秀彬，對佢態度勁冷淡，俞承豪更晦氣表示要取消啟動同蔡秀彬做朋友嘅模式。

俞承豪飲醉酒後同蔡秀彬盡訴心中情，更坦言擔心蔡秀彬會離開自己。蔡秀彬望住瞓着咗嘅俞承豪，向佢講出自己唔係機械人嘅秘密。

下集預告俞承豪將會向初戀求婚，傷心嘅蔡秀彬就話以後唔再見面。

更多韓流，喺晒《娛果》
http://fb.com/appledailyent