拍《鎗王》動真情愛上了他
黃卓玲抽離角色全靠張國榮
蘋果日報 2003/04/08 00:00
張國榮在電影《鎗王》中的拍檔黃卓玲，得悉張國榮逝世後泣不成聲，她透露當年自己皮膚出現問題時，張國榮曾送了一支「神仙水」給她用，十分細心。黃卓玲又稱讚張國榮教曉她如何做戲，所以不相信他會因為未能抽離角色而導致精神出現問題。
張國榮於本月一日跳樓自殺身亡，曾與他合作拍攝電影《鎗王》的黃卓玲當時正身處芬蘭拍攝無綫節目《紀律精英怒雪狂奔》，她初時還以為是愚人節遭人開玩笑，其後消息得到證實，黃卓玲即時泣不成聲。
沒有架子
黃卓玲大前日才由芬蘭回港，她昨日接受本報電話訪問時說：「張國榮個人咁好，而且又咁成功，連佢都要行呢條路，真係令人好惋惜，肺炎嘅消息已經令人人心惶惶，希望大家可以諗啲正面啲嘅嘢。」
黃卓玲拍攝《鎗王》期間，與張國榮相處了近三個月，她印象中的張國榮是個細心及沒有架子的人，黃卓玲說：「我當時皮膚唔好，張國榮即刻送咗支神仙水（化妝護膚品）畀我，呢啲好小嘅事佢都會留意到，拍完呢套戲冇耐，佢就舉行演唱會，我問佢攞飛，佢揀咗最靚嘅位畀我，我諗住佢咁忙，一定唔記得，但佢有記住。」
黃卓玲不相信張國榮拍攝《異度空間》未能抽離角色，她說：「當時拍《鎗王》，佢飾演一個心理有問題嘅槍手，我哋傾偈傾得好深入，最後一場戲係講佢死咗之後，我歇斯底里，不知所措，我拍嘅時候情緒都出現問題，張國榮同我講，係因為我用錯咗力，用咗好多真力，應該用技巧去做畀觀眾睇。以佢咁專業嘅演員，我唔信佢會抽離唔到角色。」
難以捉摸
黃卓玲在《鎗王》中飾演張國榮的女人，她亦承認拍攝期間確實曾戲假情真愛上了對方，黃卓玲說：「當時我有少少抽離唔到個角色，我雖然係佢嘅女人，但卻係一個捉唔到佢心態嘅女人，我覺得現實之中，張國榮都好難令人捉摸，好有佢嘅吸引力。」
採訪：張止寒
黃卓玲大前日才由芬蘭回港，她昨日接受本報電話訪問時說：「張國榮個人咁好，而且又咁成功，連佢都要行呢條路，真係令人好惋惜，肺炎嘅消息已經令人人心惶惶，希望大家可以諗啲正面啲嘅嘢。」
黃卓玲拍攝《鎗王》期間，與張國榮相處了近三個月，她印象中的張國榮是個細心及沒有架子的人，黃卓玲說：「我當時皮膚唔好，張國榮即刻送咗支神仙水（化妝護膚品）畀我，呢啲好小嘅事佢都會留意到，拍完呢套戲冇耐，佢就舉行演唱會，我問佢攞飛，佢揀咗最靚嘅位畀我，我諗住佢咁忙，一定唔記得，但佢有記住。」
黃卓玲不相信張國榮拍攝《異度空間》未能抽離角色，她說：「當時拍《鎗王》，佢飾演一個心理有問題嘅槍手，我哋傾偈傾得好深入，最後一場戲係講佢死咗之後，我歇斯底里，不知所措，我拍嘅時候情緒都出現問題，張國榮同我講，係因為我用錯咗力，用咗好多真力，應該用技巧去做畀觀眾睇。以佢咁專業嘅演員，我唔信佢會抽離唔到角色。」
黃卓玲在《鎗王》中飾演張國榮的女人，她亦承認拍攝期間確實曾戲假情真愛上了對方，黃卓玲說：「當時我有少少抽離唔到個角色，我雖然係佢嘅女人，但卻係一個捉唔到佢心態嘅女人，我覺得現實之中，張國榮都好難令人捉摸，好有佢嘅吸引力。」
採訪：張止寒
黃卓玲選擇不去靈堂送別張國榮，怕控制不了情緒。