當年今日
關於我們

【10.1最後一期】突傳《TVB周刊》全遭遣散 員工要自己搵部門收留?

蘋果日報 2018/09/06 18:00

鄭善強網媒tvb周刊裁員內部調遷

(新增無綫回應)
上月底電視廣播(0511)公佈中期業績時,宣佈無綫官方刊物《TVB周刊》印刷版將停刊(相關新聞︰ https://bit.ly/2M8k2Vi),轉為網上版,當時管理層未有向員工透露停刊日期,或日後人手安排。報道刊出後,無綫總經理鄭善強稱一切仍在檢討中,仲話未有實際時間表,始終《TVB周刊》係紙媒,要睇數碼化嘅影響再檢討。
事隔半個月,有指《TVB周刊》出版人尹錦輝近日發出內部通告,逢周一出版嘅《TVB周刊》將會出埋最後四期,會喺10月1日推出第1110期為最後一期。消息指,編採、攝影、美術等數十名員工悉數冇得留低,仲話只有廣告部嘅同事安排去J2台工作。
據了解,《TVB周刊》員工昨日才收到通知,知道「正式死期」,但其他詳情,如人手安排究竟是遣散還是內部調遷,管理層未有交代。
透明度不足,員工未知去留,致人心惶惶,有員工接受傳媒訪問時,表示感到迷惘︰「根本我哋都唔知情況係點,淨係知做埋呢幾期,係咪有得調職,都唔係太清楚,係咪留廣告部同事都唔知,但聽聞係要靠自己,問其他部門有冇位收留,所以依家大家都前路茫茫。」
晚上近八時,無綫企業傳訊部回覆傳媒查詢,表示:「印刷媒體,特別是雜誌,經營環境日益困難,數碼化是大勢所趨,業務轉型會引致資源整合。10月1日出版的《TVB 周刊》印刷本將是最後一期,會由網上版取代。受影響的員工人數現階段未有定案。」換言之,仍未知是否會悉數遣散。
早前報道:
【管理層未通知】《TVB周刊》停刊轉網上版 無綫總經理:檢討完後先決定
https://bit.ly/2M8k2Vi
無綫賺錢唔代表唔裁員?李佳芯:邏輯唔通嘅嘢唔係好識答
https://bit.ly/2M4WYGN
【佢係盧宛茵】歷年無綫《香港電視》封面人物 你估最多係阿姐定嘟嘟?
https://bit.ly/2NdAAfP
【靚過《金電視》《姊妹》】
《香港電視》兩毫子賣到13蚊 剪存明星相最啱
https://bit.ly/2LXl4mR
其實無綫今年中已經開始一連串裁員行動,先有6月時向TVBI開刀裁減60人,之後又將體育組解散,跟住又輪到配音組,唔同合約員工續約(相關新聞︰ https://bit.ly/2JVPQvr),前前後後都裁咗近百人。至於有線娛樂新聞,於上月初亦大裁員,只留一名幕後員工,炒咗12位編採人員(相關新聞︰https://bit.ly/2PKtQab )。
精選娛聞,喺晒《娛果》
http://fb.com/appledailyent
empty
最近一期以出爐港姐做封面。(網上圖片)
empty
熱爆劇《延禧攻略》曾做《TVB周刊》封面。(網上圖片)