隔牆有耳：
大台審查怕犯禁 難植入廣告吸客
靈異節目式微 嘥鬼氣 - 李八方
蘋果日報 2016/08/17 00:00
以前夜闌人靜，八方都鍾意喺收音機或電視機，聽主持人講吓鬼古。但近年靈異節目喺大氣電波買少見少，有線《怪談》上年先摺埋，今年年頭新城《恐怖熱線》停播，上個月轉去ViuTV先聽番鬼聲鬼氣。唔通𠵱家冇人聽鬼古？
憑招牌靚聲主持《恐怖熱線》嘅「鬼王」潘紹聰，8年前跳出主流媒體框框，將靈異節目帶到網上平台繼續《恐怖在線》。佢話大氣電波受到法例約束，做得耐好難有突破，加上有啲電視台追求大陸市場，而內地唔准講鬼，啲台就跟埋一齊唔畀講鬼，「大台有自我審查，𠵱家反而唔似80年代咁開放」。由於鬼片未必入到境，製作嚟似乎都係把鬼。
憑招牌靚聲主持《恐怖熱線》嘅「鬼王」潘紹聰，8年前跳出主流媒體框框，將靈異節目帶到網上平台繼續《恐怖在線》。佢話大氣電波受到法例約束，做得耐好難有突破，加上有啲電視台追求大陸市場，而內地唔准講鬼，啲台就跟埋一齊唔畀講鬼，「大台有自我審查，𠵱家反而唔似80年代咁開放」。由於鬼片未必入到境，製作嚟似乎都係把鬼。
《恐怖熱線》主持路芙
觀眾食滯失興趣
《恐怖熱線》另一主持路芙話靈異節目另一死因同越嚟越多「植入式廣告」有關，「好似你賣水咁，你點樣喺鬼古度落？話飲支乜乜嘅水咁呀？」佢話好多贊助商都認為鬼古Sell唔到客，所以每次當個台Cut budget，靈異節目首當其衝要捱刀，「睇錢係啱，但喺觀眾角度就好似抹煞咗咁。」
另一鬼王、有份帶起鬼古盛世嘅雷宇揚就認為，香港人鍾意一窩蜂去做一樣嘢，當靈異節目受歡迎就個個都做，搞到觀眾食到滯，慢慢失興趣，但佢話靈異節目幾時都有觀眾，預期今次低潮後，隔三五七年就有新人彈出嚟。
另一鬼王、有份帶起鬼古盛世嘅雷宇揚就認為，香港人鍾意一窩蜂去做一樣嘢，當靈異節目受歡迎就個個都做，搞到觀眾食到滯，慢慢失興趣，但佢話靈異節目幾時都有觀眾，預期今次低潮後，隔三五七年就有新人彈出嚟。