【復出接戲】愛滋男星查理辛孖胡比高拔拍911新片
愛滋CharlieSheen查理辛胡比高拔WhoopiGoldberg
查理辛承認患愛滋病後,接下首項工作,將與胡比高拔拍攝以911為題材新片。
日前查理辛(中)相隔幾個月再露面,現身艾頓莊所搞嘅愛滋病基金派對。
美國過氣男星查理辛(CharlieSheen)去年底驚爆染上愛滋病,閉關一排嘅佢,早前風騷亮相由艾頓莊(EltonJohn)所辦嘅愛滋病基金派對,相隔幾個月現身公眾場面,查理辛咁高調露面,原來佢已經有新工作,就係拍攝一部關於美國911恐襲嘅新片。
電影講述喺911發生期間,五位求生者被困喺世貿中心升降機內嘅故事,除咗查理辛之外,胡比高拔(WhoopiGoldberg)都有份主演,電影日內就會喺洛杉磯長灘嘅片場開拍。