大美人李嘉欣、容祖兒及何超儀等昨晚現身太古廣場,出席意大利品牌Versace與濱崎步御用造型師Alvin Goh合作的相展活動。一身黑色連身裙的嘉欣原來夫家剛經歷白事,其夫婿許晉亨胞兄許晉乾於本月4日離世,享年75歲,昨日許家登訃聞已辦妥出殯事宜。
嘉欣一臉哀傷表示:「處理咗身後事,全家人都好傷痛,等屋企人一步步走出陰霾,係好突然。」問到她如何安慰亨亨,她表示:「我自己都有親家姐,佢係佢親大佬,大家手足,唔知點安慰,惟有家人團結起嚟。」記者再問到嘉欣的大伯離世因由,她透露:「係病,好突然,之前情況幾好,乜嘢病就唔想講,佢本身低調,我講任何嘢都無資格,出咗訃聞大家知。」